لما تعرف إن طفلك عنده إعاقة: خطوات بسيطة تطمّنك وتساعدك تبدأ
الإحساس باللخبطة والتوهان هما اللي بيسيطروا عليك أول ما تعرف إن طفلك عنده إعاقة ما إحساس طبيعي جدا، ومش ضعف.
ومهم تعرف إنك مش لوحدك… فيه خطوات واضحة تقدر تبدأ بيها وتساعدك تتخطى المرحلة دي واحدة واحدة
اهدأ… وخد وقتك، هدوءك هيساعدك تفهم، وتتعامل، وتاخد قرار صح لطفلك.
اطلب رأي متخصص تاني، ودا مش تقليل من اللي قالك التشخيص…لكن للاطمئنان، ولتأكيد المعلومة من متخصص تاني.
ابدأ خطة تدخل مبكر كل ما تبدأ بدري…كل ما فرص طفلك في التطور هتكون أعلى بكتير.
ولو مش عارف تبدأ منين، اسأل متخصص يساعدك.
سجل التقدم لأن أي خطوة حتى لو بسيطة بتفرق، تسجيل التطور بيخليك تعرف انت ماشي صح ولا لأ، وتعدل الخطة لو محتاج في وقت مناسب .
الرحلة مش سهلة لو حسيت في أي وقت انك مش قادر تتعامل مع الوضع إطلب دعم نفسي من متخصص.
وافتكر دايما انك مش لوحدك متخليش القلق يسيطر عليك، دايما فيه طرق وخطط دعم ومتخصيين يقدروا يساعدوك انت وطفلك.
